3D-ს პირველი ნაბიჯები

Aug 30, 2010

3D-ს პირველი ნაბიჯები

ალბათ ბევრი ფიქრობს რომ 3D (3 Dimensions) ახალი ფორმატია, მაგრამ რამდენად გასაკვირიც არ უნდა იყოს უკვე 100 წლის არის. მე-19 საუკუნის ბოლო წლებში ამ კინოხელოვნების პიონერი უილიამ ფრიზ-გრინი იყო. 3D ფილმის შექმნის პროცესი, მოითხოვდა რომ ის ყოფილიყო წარმოდგენილი ერთდროულად ორი პროექტორით და მაყურებელს უნდა ეყურებინა სტერეოსკოპით.

პირველი 3D ფილმი "The Power of Love", იყო წარდგენილი ლოს-ანჯელესში 1922 წელს, სასტუმრო "ამბასსადორში". ფილმზე გავრცელებულია ძალიან ცოტა ინფორმაცია, რადგან ორიგინალი დაკარგულია.

მაგრამ მოთხოვნადი და პოპულარული ეს ფორმატი გახდა, როდესაც გამოვიდა ფილმი "Bwana Devil", 1952 წელს. ეს 3D ტრილერი გახდა კრიტიკოსების მსხვერპლი, გავრცელდა ინფორმაცია რომ გაუგებარი და უაზრო ფილმი იყო.

ზუსტად ერთ წელიწადში Warner Bros.-მა გადაწყვიტა ეცადა ბედი 3D ინდუსტრიაში და გადაიღო ფილმი ("House of Wax",1953). რეჟისორი იყო ცალი თვალით უსინათლო და ვერ ხედავდა სტერეოეფექტებს.

შემდეგი გახდა "It Came from Outer Spase", (1953). ფილმი იყო გადაღებული ცივ ომზე და ყველაზე ნაკლები კრიტიკა მიიღო.

ყველაზე წარმატებული იმ წლების მანძილზე იყო ფილმი "Creature From the Black Lagoon" (1954), ეს კლასიკური გადახვევა მონსტრებზე იყო ბევრად წარმატებული და მოთხოვნადი.

50-ნი წლების ბოლოს 3D კინოს მოთხოვნა დავარდა მინიმუმამდე, რადგან ამ ფილმების გადაღება ჯდებოდა ძვირი და ეკრანიდან გამოვარდნილი მონსტრები, კრიტიკოსებმა ჩათვალეს ვულგარულად.
1983 წელს გამოვიდა 3D ფილმი "Jaws", ეს იყო მისი მესამე ნაწილი და ჩვენ დროშიც ძალიან პოპულარულია ფილმების შემდეგი ნაწილების 3D ფორმატში გადაღება, ალბათ ეს არის ერთ-ერთი გზა მაყურებლის ინტერესის შესანარჩუნებლად. რაც შეეხება ამ ფილმს, ის იყო 5ჯერ ნომინირებული, როგორც "ყველაზე ცუდი ფილმი".

ეს ფილმები იყო გადაღებული ანაგლიფის ტექნოლოგიებით. ანაგლიფი ეს არის სტერეოეფექტის მეთოდი, რომელიც აორმაგებს გამოსახულებას ფერების მეშვეობით, მარჯვენა და მარცხენა თვალისთვის. ეფექტის მისაღებად იყო გამოყენებული სპეციალური ანაგლიფიური სათვალე, რომელშიც შუშების მაგივრად არის ჩადგმული ფერების ფილტრები, როგორც წესია მარცხენა თვალისთვის წითელი, ხოლო მარჯვენა თვალისთვის ლურჯი ან ცისფერი. სტერეო გამოსახულება არის ორმაგი გამოსახულების კომბინაცია, სადაც წიტელ ზონაში არის მოცემული გამოსახულება მარცხენა თვალისთვის (მარჯვენა თვალი მას ვერ ხედავს, ფერების ფილტრის გულისთის), ლურჯში გამოსახულება კი მარჯვნეა თვალისთვის. გამოდის რომ ცალი თვალი ღებულობს თავის გამოსახულებას, რომელიც დამუშავებულია ფერით.
ანაგლიგფის მეთოდის ყველაზე დიდი ნაკლი არის, ის რომ ვერ გადმოსცემს ფერების სრულ სახეს და ანაგლიფიურ სათვალეში გატარებული 15 წუთის შემდეგ, შეიმჩნევა თავის ტკივილი და ფერების არასრული აღქმა.

ბევრად უფრო სხვა ჟანრი შეემატა სამგანზომილებიან ფილმებს ბოლო 20 წლის განმავლობაში და ამის დამსახურებაა IMAX-ის ახალი ტექნოლოგია. ყველაზე გამოყენებადი იყო დოკუმენტური ფილმებისთვის. უკვე იყო შესაძლებელი უამრავი სასწაულის ნახვა ფილმის მეშვეობით და ეს იყო ბევრად უფრო პროფესიონალურ დონეზე გაკეთებული და ხალხის ინტერესიც მაქსიმუმამდე ავიდა.
IMAX 3D, არის შემოკლებული IMAge MAXimum (გამოსახულების მაქსიმუმი). სამგანზომილებიანი ფილმის გადასაღებად იყო გამოყენებული სპეციალური კამერა, ორმაგი ობიექტივით, რომლებიც 64 მილიმეტრით იყო ერთმანეთისგან დაშორებული (ეს არის საშუალო ზომა ადამიანის თვალებს შორის). კამერაში იყენებენ ორ 70 მლ ფირს, სხვა და სხვა გამოსახულების ჩასაწერად მარჯვენა და მარხენა თვალისთვის. ამ კამერის წონა 113 კილოგრამს შეადგენს, რაც აფერხებს გადაღების პროცესს.
IMAX-ის ყველაზე დიდი ნაკლი მისი ორმაგი ფირია. სჭირდება ეკრანის დიდი კონტროლი, რადგან ეკრანზე ფერების შეცვლის შემთხვევაში სტერეოეფექტი იკარგება. ამიტომ IMAX-ში იყენებენ ვერცხლისფერ ეკრანს.

დღევანდელ დღეს არის უამრავი ტექნოლოგია სამგანზომილებიანი ფილმის გადასაღებად. ყველაზე განთქმულები: Dolby 3D, RealD და RealD XL რომელთაც ადრინდელი პრობლემები არ ეხებათ. გააგრძელე კითხვა...

ჩარლზ სპენსერ ჩაპლინის სასიყვარულო ისტორიები

Aug 26, 2010

ჩარლზ სპენსერ ჩაპლინის სასიყვარულო ისტორიები

პირველი სიყვარული

"პირველი სიყვარული ხშირად არ მთავრდება ქორწინებით, მაგრამ გამახსოვრდება მთელი სიცოცხლე"-იძახდა ჩარლი, როცა საუბარი სიყვარულზე იწყებოდა.

ერთ საღამოს, როდესაც სამსახიობო დასი ემზადებოდა მორიგი სპეტაკლისთვის, ჩარლი იდგა კედელთან ჩაფიქრებული და უყურებდა ახალგაზრდა, კეკლუც მოცეკვავე გოგონებს. ერთ-ერთი მათგანი უეცრად წაიქცა და ყველა დასახმარებლად მივარდა. ამ უზარმაზარი წრიდან პირველი გამოსული მოცეკვავეს და ჩარლის თვალები შეეჯახნენ ერთმანეთს. ასე დაიწყო ჩარლის პირველი, მაგრამ ყველაზე მოკლედ სასიყვარულო ისტორია.

ბალერინას ხეტი კელი ერქვა, ის ბერტა კუტსის ანსამბლის მოცეკვავე იყო. "მას დიდი ყავისფერი თვალები და ბავშური, გულივით ტუჩები ჰქონდა."- ახსენა ჩარლიმ ერთ-ერთ თავის ჩანაწერში. ჩარლი კი გამხდარი და დაბალი ბიჭი იყო. ბებიასგან, რომელიც ნეხევრად ციგანი იყო, ჩარლის ნაცრიფერი თვალები და ხვეული, შავი თმა ერგო წილად. ჩარლის იმ დღესვე შეუყვარდა ეს პატარა გოგონა, ის აცილებდა მას ჯერ სკოლაში, მერე კი ცეკვის გაკვეთილებზე. უყვებოდა მას სასაცილო ისტორიებს და შემდეგ სიყვარულში გამოუტყდა. ჩარლი ახალგაზრდა და მოუთმენარი იყო. ამ მოუთმენლობამ კი შეაშინა ხეტი კელი და ისინი დაშორდნენ ერთმანეთს. სულ რაღაც 11 დღე გრძელდებოდა ჩარლის პირველი სასიყვარულო ისტორია,რომელიც მისი დამარცხებით დასრულდა.

გავა 16 წელი... ჩარლის, მათი ბოლო შეხვედრის გარდა, მისი საპნის სურნელიც ემახსოვრება...

იძულებითი ქორწინება

როდესაც ჩარლი ჩავიდა ამერიკაში, დაიმკვიდრა სახელი და უკვე საკუთარ ფილმებს იღებდა, ჰოლივუდში ის ქალების გულის სუსტი წერტილი იყო. მას ყოველთვის ახალგაზრდა გოგონები იტაცებდნენ, მაგრამ სერიოზულ რომანს არავისთან აბავდა.

1917 წელს მან ახალგაზრდა, დამწყები მსახიობი მილდრედ ხარრისი გაიცნო. ის ძალიან ლამაზი და მიმზიდველი იყო, ჩარლი ვერც კი წარმოიდგენდა, რომ უბრალო ფიზიკური ლტოლვა მას ქორწინებამდე მიიყვანდა. რომანტიკული ვახშმების და სანაპიროზე სეირნობების შემდეგ მილდრედი დაორსულდა და ჩარლი ვალდებული იყო, ის ცოლად მოეყვანა.

პირველი ქორწინება უბედურებით დაიწყო - ბავშვი დაბადებიდან სამ დღეში დაიღუპა. ქორწინება არ დაშლილა ეგრევე, მაგრამ სახლში სრული ქაოსი იყო. ჩარლის აღიზიანებდა, რომ მილდრედი მას ყველაფერში ეთანხმებოდა, მაგრამ ყველაფერს მაინც თავისებურად აკეთებდა. რამოდენიმე წლის შემდეგ, ორივემ გადაწყვიტეს დაშორება, ყველანაირი ხმაურის გარეშე. ჩარლიმ სთხოვდა მილდრედს, რომ სასამართლოზე, მას ეთქვა, რომ ეს გადაწყვეტილება ერთობლივად მიიღეს. მილდრედი დაეთანხმა, მაგრამ აქაც თავისებურად მოიქცა და სასამართლოზე განაცხადა, რომ ჩარლიმ მიატოვა. ამას მოყვა დიდი ხმაური და მითქმა-მოთქმა. სასამართლოს გადაწყვეტილებით მილდრედს 25 ათასი დოლარი ეკუთვნოდა, ჩარლიმ მას 100 შესთავაზა, იმ პირობით, რომ სამუდამოდ გაქრებოდა მისი ცხოვრებიდან. ფულმა ყველაფერი გადაწყვიტა. ჩარლიმ კი თავისი მორიგი ხმაურიანი რომანი წამოიწყო, გერმანელ კინოდივა პოლა ნეგრისთან, რომელიც არ დამთვარებულა ქორწინებით, მაგრამ დიდი აურზაური გამოიწვია.

შეცდომა, რომელიც $800 000 დაჯდა

როდესაც ჩარლი გამოვიდა თავის სასიყვარულო დეპრესიებიდან, მან დაიწყო ახალი ფილმის გადაღება "The Gold Rush". ზუსტად ამ დროს მის ცხოვრებაში გამოჩნდა ლიტა გრეი. ამ პატარა არსებამ მოუტანა მას ყველაზე დიდი პრობლემები, რაც კი არ მოუტანია ყველა მის ქალს ერთად. ლიტა გრეი ჯერ 18 წლისაც არ იყო, რომ დაორსულდა მისგან, მაგრამ ჩარლი მის ცოლობაზე არც კი ფიქრობდა. მან შესთავაზა 20 ათასი დოლარი, რომ ცხოვრება მოეწყო სხვა ადამიანთან, მაგრამ ლიტა არ დათანხმდა, მას მხოლოდ ჩარლი უნდადოდა, უფრო სწორედ მისი სიმდიდრე. მან განაცხადა რომ თუ ჩარლი მას არ მოიყვანს ცოლად, ის სასამართლოში უჩივლებს, ჩარლის სხვა გზა არ ჰქონდა. მაგრამ მათი დაძაბული უერთიერთობა ვერც ქორწინებამ და ვერც ორმა ვაჟმა ვერ გამოასწორა. რამოდენიმე წელიწადში ლიტა გრეიმ თავისით შეიტანა საბუთები განქორწინებაზე, მას უნდოდა ჩარლის მთელი ქონება.

ყველა აგებს თავის შეცდომებზე პასუხს. ჩარლის კი ეს $800 000 დაუჯდა, 600 ცოლს და ას-ასი შვილებს. ჩარლიმ მოიკრიბა ძალა და დაასრულა ფილმი "Circus", მაგრამ თავის ცხოვრების მოწყობილ ცირკის დეპრესიიდან, დიდი ხანი ვერ გამოდიოდა. ამ რთული დღეების გადალახვაში მას თავის ფილმის "City Lights", მსახიობი - ვირჯინია ჩერილი ეხმარებოდა.

ორი მარტოსულის შეხვედრა

არეულობის შემდეგ ჩარლი გაემგზავრა. ის დიდი ხანი მოგზაურობდა და კალიფორნიაში დაბრინებულმა თავი მარტოსულად იგრძნო.

ახალგაზრდა მსახიობი პოლლეტ გოდარი, რომელიც ნიუ იორკიდან ჩავიდა ჰოლივუდში, არავის იცნობდა. და ორი მარტისული შეხვდა ერთმანეთს. მათი რომანი ძალიან მშვიდი და ჰარმონიული იყო. ზუსტად ის რაც სჭირდებოდა ჩარლის, თავისი ხმაურიანი წარსულის შემდეგ.

ჩარლი ახალი ფილმისთვის იდეებს ეძებდა, პოლლეტი კი ამ დროს გადაღებებზე დადიოდა. ორივე ერთ წრეში ტრიალებნენ, ერთად დადიოდნენ ელიტარულ ვახშმებზე, მიღებებზე. პოლლეტი კარგად გრძნობდა ჩარლისთან თავს, მაგრამ ჩარლის სხვა რამ აწუხებდა. ის ვერ პოულობდა ადგილს თავის უზარმზარს ბევერლი-ჰილსის სახლში, მას დაეკარგა მუზა, იდეები თითქოს აორთქლდნენ.

შესვენების შემდეგ მას მოუვიდა იდეები ფილმზე "Modern Times" და მთავარ როლში კი თავის მეუღლეს, პალლეტს ხედავდა. ეს ფილმი სასიყვარულო ისტორიაა, რომელიც მოხეტილაები ბიჭზე და გოგონაზეა. ისინი გაიცნობენ ერთმანეთს პოლიციის მანქანაში და იმ წამსვე უჩნდებათ გრძნობა. ამის შემდეგ ერთად აგრძელებენ გზას, ამერიკის ახალ ეპოქაში, რომელიც უმუშევრობით და სირთულით გამოირჩეოდა. ფილმი ეკრანებზე გამოვიდა 1915 წელს, პრემიერის პირველმა კვირამ არაჩვეულებრივად ჩაიარა და მოხსნა ყველანაირი რეკორდები. მაგრამ სულ რაღაც ერთ კვირაში ყველაფერი იცვლება, ხალხის ინტერესი ფილმისადმი ქრება, ყველანაირი მიზეზის გარეშე. ეს ჩარლის მორიგ დეპრესიაში აგდებს, მას აღარ სურს არაფრის გაგონება თავის ფილმზე და მეუღლესთან ერთად სამოგზაუროდ მიემგზავრება.

დაბრუნების შემდეგ, მან პალლეტი გადაიღო კიდევ ერთ თავის ფილმში "The Great Dictator", რომელმაც დიდი სკანდალი გამოიწვია საზოგადაოებაში და ჩაპლინს ბრალად დასდო ცუდი სახელი - გერმანიის მტერი. ამის შემდეგ ის და პალლეტი მშვიდად დაშორდნენ ერთმანეთს. ეს იყო მისი პირველი მშვიდი განშორება, ქალთან.

ცხოვრების სამუდამო თანამგზავრი

სიყვარული უცნაური რამ არის, ის როგორც 20 წლის ასაკში, ასევე 30, 40 და 50 წლის ასაკშიც მოდის...

ჩარლი ეძებდა მსახიობს თავის მორიგი ფილმისთვის, კინომსახიობების აგენტმა კი მას ურჩია დამწყები მსახიობი, უნა ო'ნილი. ის იყო დრამატურგ ო'ნილის ქალიშვილი. ჩაპლინს ჰქონდა წაკითხული მისი მოსაწყენი ხელნაწერი. და მას ეგონა რომ დრამატურგის შვილი უნდა იყოს მისნაირი მოსაწყენი ადამიანი. მაგრამ უნას ნახვის შემდგეგ ყველაფერი შეიცვალა. ჩარლი მოჯადოვებული იყო მისი ღიმილით და სილამაზით და ეგრევე გააფორმა მასთან კონტრაქტი, მას ეგონა რომ მხოლოდ ერთ ფილმზე, მაგრამ აღმოჩნდა რომ უნა მისი ცხოვრების სამუდამო თანამგზავრი გახდა.

რაც უფრო მეტს იგებდა ჩარლი უნაზე, მით უფრო უყვარდებოდა. მას ვერც კი წარმოედგინა, რომ სიყვარული ასე გააბედნიერებდა. უნაც სიყვარულით პასუხობდა. ერთი რამ, რაც აშინებდა ჩარლის იყო ასაკის სხვაობა, მაგრამ უნას არაფრის ეშინოდა და მზად იყო მასთან დაეკავშირებინა მთელი თავის სიცოცხლე.

ისინი დაქორწინდნენ და ჩარლიმ თავისი პირველი ბედნიერი თაფლობის თვე სანტა-ბარბარაში გაატარა. ჩარლიმ 50 წელს გადააცილა, უნა კი მხოლოდ 18 წლის იყო. პატარა გოგონა გახდა ნადმვილი, მოსიყვარულე ცოლი და ჩარლის სიცოცხლეს მეტი ხალისი შემატა. ჩარლი თავს ისევ ახალგაზრდად და ყველაფრის შემძლედ გრძნობდა. მას უნა უკანასკნელი სიყვარულით უყვარდა და მზად იყო მისთვის ნებისმიერი რამ გაეკეტებინა.

ქორწინების შემდეგ უნამ განაცხადა, რომ აღარ სურს კინოში გადაღება და უნდა თავი მიუძღვნას მხოლოს ოჯახს. ჩარლი ბედნიერი იყო.

შემდეგ ჩარლიმ გადაიღო მორიგი ფილმი "Monsieur Verdoux", ის გამოვიდა ეკრანებზე 1947 წელს და ეგრევე კრიტიკოსების მსხვერპლი გახდა. ჩაპლინის შეხედულება თანამედროვე ამერიკაზე უარყოფითი იყო და ამერიკამ გადაიყვარა თავის საყვარელი ჩაპლინი.

იმის შემდეგ რაც ამ ფილმის დემონსტრაცია რამოდენიმე ქვეყანაში აკრძალეს, ჩარლიმ დატოვა ჰოლივუდი.

ჩარლი და უნა გადავიდნენ შვეიცარიაში, იყიდეს ლამაზი სახლი და მიუძღვნეს თავი ოჯახურ ცხოვრებას. ზრდიდნენ შვილებს და ტკბებოდნენ სიყვარულით. ბოლო შვილი უნამ გააჩინა როდესაც ჩარლი 72 წლის იყო...

ჩარლის ბოლო ქორწინება, აღმოჩნდა საუკეთესო "ფილმი" მის ხანგრძლივ ცხოვრებაში. ამ ფილმში მან ითამაშა მრავალშვილიანი და მოსიყვარულე მამის როლი, უნამ კი სამაგალითო ცოლის და თბილი დედის. თავის ცხოვრების როლებს, არაჩვეულებრივად გაუძღვნენ, გასაკვირი არც არის, რეჟისორის, ხომ თვით ჩარლზ სპენსერ ჩაპლინი იყო !!!

გააგრძელე კითხვა...

Hot Tub Time Machine

Aug 24, 2010

Hot Tub Time Machine

ჟანრი: კომედია

რეჟისორი: სტივ პინკი

როლებში: ლიზი კაპლანი, ჩევი ჩეიზი, რობ კორდი, ჯონ კუისაკი, კლარკ დიუკი

გამოშვება: 2010

აღწერა: სამი საუკეთესო ძმაკაცი. მათი მეგობრობა დანგრევის პირას არის. წარსულის გასახსენებლად მიემგზავრებიან გასართობათ. იქ კი უცნაური ამბები ხდება, ისინი 80-ში ხვდებიან, როდესაც ყველაზე მხიარულები და მეგობრულები იყვნენ.

ტრეილერი:

რეცენზია: საკამოდ სასაცილო კომედიაა, მაგრამ რომ ჩაუღრმავდეთ ასევე ცხოვრების სეული ფილმია. ბავშობის სამი საუკეთესო მეგობარი და მათი ყოველდღიური პრობლემების ფონზე დანგრეული მეგობრობა.

როდესაც ახალგაზრდა ხარ და ირგვლივ უამრავი მეგობარი გყავს, მათ შორის საუკეთესო მეგობრები, ისინი შენი ცხოვრების მუდმივი თანამგზავრები არიან. და გგონია რომ ასე იქნება მუდამ. მაგრამ მოდის რეალური ცხოვრება, რეალური პრობლემებით. პირადი ცხოვრება, ოჯახი სამსახური და ის მუდმივი თანამგზავრები, რომლებიც მუდამ გვერდით უნდა იყვნენ ქრებიან. ამ დროს ისინიც იგივეს აკეთებენ რასაც შენ, ებრძვიან ყოველდღიურ პრობლემებს და ამ დროს მეგობრობა მეორე ფლანგზე გადადის. რა უნდა გააკეთონ მეგობრებმა ამ დროს? როდესაც გადაღლილები არიან პრობლემებით და მეგობრობის დაბრუნება სურთ? რათქმაუნდა უნდა გაერთონ და გაიხსენონ, რა კარგად ატარებდნენ ერთად დროს და როგორი უდარდელები იყვნენ. ზუსტად ამას სცდილობს ამ ფილმის სამი მეგობარი,რომლებიც წაიყოლებენ ერთ-ერთის დის შვილს, რომელიც ერთ-ერთის შვილი აღმოჩნდება. თუმცა მხოლოდ გამგზავრება და ძველი სასტუმროს ნახვა, სადაც მათ საუკეთესო დრო აქვთ გატარებული, არ შველის ბოლომდე პრობლემას. ისინი გადაწყვეტენ ჯაკუზიში ბანაობას, ლუდის სმას და გიჟობას, როგორც ახალგზარდობაში. მაგრამ სამქე იმაშია რომ ეს ჯაკუზი ჩვეულებრივი არ აღმოჩნდება, ეს დროის მანქანაა, რომელიც მათ 80-ში გადაანაცვლებს, იმ დროში როდესაც ყველაფერი დაიწყო. ერთი წვრილმანის გამოტოვებაც კი, მათ ცხოვრებას რადიკალურად შეცვლის. ეხლა კი მხოლოდ მათი გადასაწყვეტია, გააკეთებენ ისინი ყველაფერს ისე, რომ ყველაფერი ისევ თავის ადგილს დაბრუნდეს თუ შეცვლიან რამეს? ამას კი ფილმის ნახვის დროს გაიგებთ. მე ძალიან ვიხალისე ფილმით და კარგ ხასიათზეც დამაყენაბ. ამიტომ გირჩევთ რომ თქვენც უყუროთ.

კადრები ფილმიდან:

გააგრძელე კითხვა...

ბოლო ნაბიჯი უკვდავებისაკენ

Aug 22, 2010

ბოლო ნაბიჯი უკვდავებისაკენ

სიკვდილამდე ერთი წლით ადრე ფელინიმ მესამე ოსკარი მიიღო - მსოფლიო კინემატოგრაფიაში შეტანილი წვლილისატვის. სანუკვარი სტატუეტის მიღების საზეიმო ცერემონიალი რეჟისორმა დაარღვია: ”ჯულიეტა, ძალიან გთხოვ, შეწყვიტე ტირილი”, - ჩასძახა მან მიკროფონში. მაზინას ცრემელბი - ეს იყო ერთდროულად ბედნიერი და უბედური, ერთგული და მოტყუებული ქალის რეაქცია. ფელინიც ვერ გრძნობდა დღესასწაულს. ბოლო ნამუშევარმა ”მთვარის ხმამ” ვერც ფული მოუტანა და ვერც სახელი. ვერ განხორციელდა ”ილიადას”, ”მასტორნის მოგზაურობის” და სხვა ჩაფიქრებული სურათების გადაღება. ის მუდამ განიცდიდა სულიერ დისკომფორტსა და განწყობილებათა მონაცვლეობას - საკუთარ გენიალობაში დარწმუნებასა და გულისამრევი არარაობის შეგრძნებას შორის - შემოქმედის მარადიული საწუხარი! ამას დავუმატოთ სამი ქალი: ჯულიეტა, ანა და როზიტა, რომელთა შორისაც მუდმივი მანევრირება უხდრებოდა, აგრეთვე, გავრცელებული ხმები მისი არატრადიციული სექსუალური ორიენტაციის შესახებ.. ყოველივე ამან მისი ჯანმრთელობა საგრძნობლად შეარყია.

ამას მოჰყვა ხანგრძლივი ოპერაცია ციურიხში, მცირე ხნიტ გამოჯანმრთელება, შოკო რიმინიში, ფერარის კლინიკის კარცერი. როგორც პეტრო ჩიჩატი აღნიშნავს, ფელინიმ ”ვერ გაუძლო საწოლში უღონო ცხოვრებას, როცა შენზე სხვები ზრუნავენ. მას მხოლოდ სისხლსავსე ცხოვრებით უნდა ეცხოვრა: ესეირნა, ეკითხა, ემუსაიფა მეგობრებთან. ის მხოლოდ სრულფასოვან არსებობას ცნობდა..”

რიმინის საავადმყოფოში წოლისას რუმენელი ექთნის, დორინას სილამაზითა და გრაციით მოიხიბლა. ”ის” ზოგჯერ მაიძულებდა, მეფიქრა, რომ უკვე რომელიღაც სხვა, უჩვეულო სამყაროში მოვხვდი”.. - უმხელდა ფელინი რეპორტიორებს. მაგრამ გამოჩნდა ჯულიეტა მაზინა და სასწრაფოდ ექთნის შეხვლა მოითხოვა.

1993 წლის 3 აგვისტოს ფელინის ინსულტი დაემართა. რეანიმატორები დიდხანს იბრძოდნენ მისი სიცოცხლის გადასარჩენად, მაგრამ ამაოდ: 31 ოქტობერს ფედერიკო ფელინი გონზე მოუსვლელად გარდაიცვალა. მან მთელი ცხოვრება სიზმარში გაატარა, ახლა სამუდამო ძილს მისცა თავი.

ჯულიეტა მაზინამ მეუღლის შემდეგ მხოლოდ ოთხი თვე იცოცხლა.

...კინოქალაქ ჩინეჩიტას ფელინის სტუდიის შესასვლელში კვლავაც ჰკიდია წარწერა: ”რომელი ფილმი იქნება შემდეგი?” ასეთი წარწერა ყოველი ახალი ფილმის შემდეგ ჩნდებოდა. მართალია, მაესტრო ცოცხალი აღარ არის, მაგრამ წარწერა ისევ ადგილზეა, რადგან ფელინის იდეები, ნიღბები, იუმორი, სამყარო უკვდავია და უთუოდ გამოჩნდება სხვა რეჟისორების ფილებში.

გააგრძელე კითხვა...

ფელინის სასიყვარულო ისტორიები

Aug 21, 2010

ფელინის სასიყვარულო ისტორიები

ფელინის გარდაცვალებისთანავე გავარდა ხმები მისი ორმაგი ცხოვრების შესახებ. გაირკვა, რომ მას 36 წლის განმავლობაში ჰყავდა იდუმალი საყვარელი ანა ჯობანინი. ლამაზი, ფაშფაშა აფთაიაქარი, ზუსტად ისეთი, როგორსაც ფილმებში წარმოსახავდა. მეტსახელიც შეურჩია - ”პაჩოკა” ანუ, ფუნთუშა. ფელინიმ მას სამსახურიც დაატოვებინა, რათა სრულ განკარგულებაში ჰყოლოდა.

ფელინიმ ანა 1957 წელს, ”დოლჩე ვიტას” გადაღებისთვის მზადების პერიოდში გაიცნო. მთავარ როლში მან ხორცსავსე მსახიობი - ანიტა ეკბერგი მოიწვია, რომელიც დიდი მკერდით, გრძელი ფეხებითა და დასრულებული ფორმებით თავის შეყვარებულს აგონებდა.

რეჟისორის გარდაცვალების შემდეგ ანა ჯოვანინი რეპორტიორებს უმხელდა: ”მას უნდოდა ცოლად შევერთე, მაგრამ მე ვიყავი წინააღმდეგი”.

თუმცა ანა - ”ტკბილი ფუნთუშა” - დიდი რეჟისორის ერთადერთი სასიყვარულო გატაცება არ ყოფილა. იყო კიდევ ერთი, ახალგაზრდა როზიტა სტენბეკი, რომელიც ძველი კულტურის გასაცნობად ჰოლანდიიდან იტალიაში ჩამოვიდა. მან ჯერ ალბერტო მორავია - ფელინის დიდი მეგობარი გაიცნო, შემდეგ თავად მაესტრო და ორივესთან რომანი გააბა. ეს მაშინ მოხდა, როცა ფელინი ”ჯინჯერი და ფრედს” იღებდა.

როზიტა მაშინ 23 წლის იყო, ფელინის 66 უსრულდებოდა, ხოლო მორავია...
”82 წლის ვარ, - ამბობდა მწერალი, - მაგრამ ვგრძნობ, რა ხანმოკლეა სიცოცხლე. ჩვენი შესაძლებლობებით 150 წელსაც შემიძლია მივაღწიო, თუმცა გამუდმებით მესმის სიკვდილის ნაბიჯების ხმა..” - თუმცა ეს ხმა მორავიას სულაც არ უშლიდა ხელს, ჰყოლოდა 35 წლის ცოლი და აქტიურად ეარშიყა სხვა ქალბატონებთანაც. ფელინი უფრო მოკრზალებული იყო, ის ასე მიმართავდა როზიტას: ”მე უკვე ასაკში ვარ, ნეტა რა გინდა ასეთ ბებერთან?”. როზიტამ იცოდა, რაც ”უნდოდა” და რეჟისორს ნამდვილი, ნაზი და პოეტური სიყვარულის ცეცხლი დაუნთო. აი, ასე: ფელინისთან - ვნება, მორავიასთან - მეგობრობა. მოგვიანებით როზიტა იხსენებს:

”ეს იყო რთული, უცნაური ვიტარება. ფელინის უნდოდა მისგან შვილი გამეჩინა, მაგრამ ალბერტოზე ეჭვიანობდა. ერთხელ ასეც მითხრა, ჩვენ მორავიასთან მაშინ წავალთ, შვილი რომ გვეყოლებაო”.

მაგრამ ჯერ ალბერტო გარდაიცვალა, შემდეგ ფედერიკო. როზიტა სტენბეკმა კი თავისი საყვარლების გარდაცვალების შემდეგ გამოსცა წიგნი ”უკანასკნელი დონა”. პიკანტური ისტორია იმაზე, თუ როგორ შეუძვრა ეშმაკი სულში ორ იტალიელ კლასიკოსს.

გააგრძელე კითხვა...

სიზმრებისა და ფანტაზიების მაესტრო

Aug 20, 2010

სიზმრებისა და ფანტაზიების მაესტრო

მათ ერთმანეთი 1943 წელს გაიცნეს. ფელინი 23 წლისა იყო, მაზინა 21-ის. პირველად ფრედერიკომ მისი ხმა საკვირაო რადიოსერიალ ”ჩიკო და პოლინაში” გაიგონა, რომლის ტექსტის ავტორიც თავად იყო. მხოლოდ ამის შემდეგ გაიცნო ჯულიეტა და არ მოეწონა, რადგან გამხდარი და სუსტი აგებულებისა იყო. მიუხედავად ამისა, ისინი მალე შეეწყვნენ ერთმანეთს და 30 ოქტომბერს იქორწინეს.

”ის იყო პატარა და უმწეო, ნაზი და უმანკო. ერთი სიტყვით, ძალიან კარგი. მიდამ მზრუნველობას მოითხოვდა და მეც არ ვაკლებდი. ის მუდამ ქვემოდან ამომცქეროდა და არამარტო სექსში. მის თვალებში ჩემი ანარეკლი მიყვარდა. ერთად გადაღებული ფოტოსურათებიდან ჯულიეტას ყველაზე მეტად ის უყვარდა, როცა ერთმანეთს ვეხვევით და მე მასზე ვმაღლდები”..

რა თქმა უნდა, ხუმრობანარევი აღიარებაა, მაგრამ ამ ხუმრობაში ბევრი რამ სიმართლეა. ფელინის მაზინასადმი გადარეული ტრფობა არ ჰქონია, მათი ურთიერთობა უფრო მეგობრული და პარტნიორული იყო და ეს დამოკიდებულება კიდევ უფრო მას შემდეგ განმტკიცდა, რაც ჯულიეტა კიბიდან ჩამოვარდა და მუცელი მოეშალა. მეორე ფეხმძიმობაც ტრაგიკულად დასრულდა: ახალშობილმა მხოლოდ ორი კვირა იცოცხლა. როგორც მოგვიანებით ფელინი წერდა: ”დაღუპულმა ბავშვმა, რარაც აზრით, უფრო მაგრად დაგვაკავშირა, ვიდრე ამას ცოცხალი ბავშვები შეძლებდნენ. ახალგაზრდობაში განცდილი საერთო ტრაგედია ადამიანებს უფრო აერთიანებთ. თუ უშვილო ოჯახი არ ინგრევა, ეს იმას ნიშნავს, რომ კავშირი მტკიცეა და მეუღლეებს ერთმანეთი ეიმედებათ”.

ასე იცხოვრეს მაზინამ და ფელინიმ 50 წელი. ბავშვების ნაცვლად მათ საერთო ფილმები ჰქონდათ,. თუმცა, ბოლომდე ვერც აქ რიგდებოდნენ. მაზინა ხშირად საყვედურობდა რეჟისორ ქმარს: ”რატომ ხარ ჩემ მიმართ ასე მომთხოვნი და სხვების მიმართ ლოიალური?”

წყენა, ჩხუბი, უთანხმოება თუ შელაპარაკება - ეს ყველაფერი იყო 50 წლის მანძილზე. ალბათ, აქედან მოდის ფელინის სევდიანი სიტყვები: ”მე სრული ცხოვრებით ვიცხოვრე.” სიტყვა ”ბედნიერი” მას არ უხსენებია. შემდეგ ამატებდა: ”ჯულიეტა ჩემთვის რომის ნაწილია. ჩემი შემოქმედების, ცხოვრების ნაწილი.”

”მე და ფედერიკოს ვერაფრით დაგვარქმევთ ოჯახს. არც მემკვიდრე, არც ახლო ნათესავი.. ჩვენ უფრო წყვილი ვართ, ორი ადამიანი, რომელიც ურთიერთშეთანხმებულად ერთად ცხოვრობს. ხშირად მეკითხებიან, როგორ ცხოვრობ გენიოსთან ერთადო. მე კი ვპასუხობ, გაცილებით გამიჭირდებოდა, სულელთან ცხოვრება-მეთქი”..

”ჩვენ ძალზე ადრე დავქორწინდით, - აგრძელებს მაზინა, - ერთად გავიზარდეთ და ჩამოვყალიბდით. მაგრამ უნდა გამოვტყდე, რომ ძველებურად სხვადასხვანაირები დავრჩით. მე ლაპარაკი მიყვარს, ის კი სიტყვაძუნწია. მე თავგზა მებნევა მრავალსიტყვიან ისტორიებში, მას კი იოლად გამოაქვს აზრი, მე მოგზაურობა მიყვარს, ის კი ვერ იტანს, მე სიამოვნებით ვუსმენ მუსიკას, მას კი კითხვა ურჩევნია” ...

”და მაინც, რაღაც გვაერთიანებს. თუნდაც, შინ გატარებული წყნარი კვირადღე და სანახაობისაკენ ლტოლვა. ჩვენ ხალისით ვმუშაობთ ერთად, თუმცა ისიც უნდა ვთქვა, რომ მასთან გადაღება უფრო მიჭირს, ვიდრე ნებისმიერ სხვა რეჟისრორთან”..

გააგრძელე კითხვა...

ფელინი და ქალები

Aug 18, 2010

ფელინი და ქალები

”ქალებთან ყოველთვის მორცხვი ვიყავი”- გამოუტყდა ფელინი ამერიკელ ჟურნალისტს, - ”მე არ მინდა ქალი, ვისაც დიდებული საყვარლები ჰყავდა, რადგან ყოველთვის შედარებას დაიწყებს და, არამგონია, კონკურენციას გავუძლო”.

ფელინის არაერთხელკ უთქვამს, რომ კაცი თავისი ბუნებით პილიგამიური არსებაა. მას სურს ბევრი ქალი ჰყავდეს, ხოლო ცდუნებასთან ბრძოლის ყველაზე იოლი ხერხი ცდუნებაა. როგორც ბიბლიაშია: ”სცოდე, მოინანიე და მოგეტევება”.

მსოფლიოში ცნობილი ფოტოგრაფი, ჰელმუტ ნიუტონი, შიშველი ქალების სურათების ოსტატი, ამბობდა: ”მე მიყვარს დიდი ქალები, მაღლები, ძლიერები, ისევე, როგორც ფელინის. მე ვამაყობ, რომ ამაში ერთმანეთს ვგავართ. მის ფილმებში ზუსტად ასეთი ქალებია: მაღლები, არაჩვეულებრივად დიდი ბიუსტით. ხანდახან ვფიქრობ, კარიკატურა ხომ არ არის, მაგრამ არა! ეს მშვენიერი ქალბატონებია. ფელინი მათში ხედავდა იმას, რაც სურს დაინახოს ყველა მამაკაცმა: მგრძნობიარობა, დედობრივი ზრუნვა, მამაკაცის მყიფე სულის დაცვა. მისი ქალები ყოველთვის ლამაზები არიან.”

ფელინის მემუარებში, სახელწოდებით ”მე ვიხსენებ”, არის აწსეთი პასჟი: ”ყოველთვის აღმაგზნებდა მშვენიერი სანახაობა - როცა ქალი ზის და გემრიელად მიირთმევს საჭმელს. აღმაგზნებდა სექსუალურად. მე დარწმუნებული ვარ ერთ კანონზომიერეგბაში: ქალს, რომელსაც უყვარს ჭამა, შეუძლებელია, არ უყვარდეს სექსი. ხოლო მამაკაცისთვის ქალი, რომელსაც უყვარს სექსი, განსაკუთრებით მიმზიდველი და ამაღელვებელია. შესაძლოა, ამიტომაც მაინტერსებს სრული ქალები”.

თავის დროზე ფილმ ”ქალების ქალაქმა” დიდი ხმაური გამოიწვია. ფელინის საყვედურობდნენ, თუ რატომ მოკიდა ხელი ასეთ თემას. რეჟისორი პასუხობდა: ”მე მგონია, რომ ფილმებს მხოლოდ ქალებზე ვიღებდი. მე მხოლოდ მათთან ვგრძნობ თავს კარგად. ქალი მითია. საიდუმლო, განუმეორებელი მომხიბვლელობა. ქალი - ყველაფერია. ფილმიც, თავისი შუქჩრდილების მონაცვლეობით, თავისი სახეებით, ხან რომ ჩნდებიან და ხანაც ქრებიან - აგრეთვე, ქალია. კინოში ისე ხართ, როგორც დედის მუცელში. ჩემი ფილმი ეს არის ყბედობა მაძღარი სადილის შემდეგ. ოდნავ შემთვრალი კაცის ლაქლაქი. ეს არის ზღაპარი ქალებზე, მოთხრობილი მამაკაცისგან, რომელიც ბოლომდე არ იცნობს მათ, რადგან თითქოსდა მათშია.. ეს არის ოცნება და მისი ხორცშესხმისათვის ოცნების სიმბოლური ენაა საჭირო. არ მინდა, ჩემი ფილმის ნახვისას იწვალონ, რაღაცას ჩაწვდნენ, ვერაფერსაც ვერ ჩაწვდებიან. მე მძულს თანამედროვე ავადმყოფობა, მანიაკალური მისწრაფება ყველაფრის გაანალიზებისა, დიაგნოზის დასმისა”...

სხვა სიტყვებით რომ ვთქვათ, ფელინი მომხრეა ირაციონალიზმის, ბუნებრივი მდგომარეობის, რაც განაპირობებს მამაკაცის სწრაფვას ქალისკენ, ქალისა კი - მამაკაცისკენ.

პირველი ბავშვური შთაბეჭდილება რეჟისორს მთელი ცხოვრება დაამახსოვრდა: რიმინიში მეძავმა სარაგინამ, გაფაციცებულ ბავშვებს ორ სოლდად ვეება უკანალი უჩვენა, სამ სოლდად ოდნავ გადაწია ფეხები, ოთხად კი მთელი თავისი წინა ”მშვენებით” წარუდგა. რა თვალისმომჭრელობაა! ეს ბანჯგვლიანი რაღაა - ფისო?!

უბიწოება ფელინიმ მოგვიანებით, 20 წლის ასაკში დაკარგა, რომის ტიპურ ბორდელში, გულისხმიერ და, თითქმის ინტელიგენტურ მეძავთან ტიპურ იტალიურ ვარიანტში.

გააგრძელე კითხვა...

ჩარლზ სპენსერ ჩაპლინი

Aug 17, 2010

ჩარლზ სპენსერ ჩაპლინი

ერთხელ ქუჩაში, მოხეტიალე ციგანმა უწინასწარმეტყველა მას რომ, ის გაითქვავს სახელს, იქნება მდიდარი, სამჯერ დაოჯახდება და ეყოლება სამი შვილი. და ბოლოს დააყოლა, რომ დიდხანს იცოცხლებს და 88 წლის ასაკში დაიღუპება.

გავიდა წლები... ჩარლზ სპენსერ ჩაპლინმა გაითქვა სახელი, ის გახდა მე20 საუკუნის ერთ-ერთი ყველაზე წარმატებული მსახიობი. გამდიდრდა, მართალია ოთხჯერ დაოჯახდა და 5ჯერ მეტი შვილი ყავდა, ვიდრე უწინასწარმეტყველა ციგანმა, მაგრამ მართლა 88 წლის ასაკში გარდაიცვალა.

ჩარლი ჩაპლინი დაიბადა 1889 წლის 16 აპრილს, ქალაქ ლონდონში. თითქმის ნახევარი საუკუნე აოცებდა თავისი ნიჭით მაყურებელს. კრიტიკოსების თქმით მისი საიდუმლო იყო იმაში, რომ ის იყო კომიკური და ტრაგიკული შერწყმის ოსტატი. ყველაზე დიდი წარმატება მას მოუტანა მისმა სასცენო პერსონაჟმა - პატარა, ღარიბი კაცი, დიდი გულით და კეთილი თვალებით. ეს პერსონაჟი იყო მისთვის ძალიან ახლო. მისი "რთული ბავშობის ანაბეჭდი" - როგორც აცხადებდა თვით ჩარლი. ის 5 წლის ასაკიდან იდგა სცენაზე, რადგან მშობლებიც მსახიობები ყავდნენ. ადრეულ ასაკში მან უამრავი სირთულე გადაიტანა, დამუნჯებული დედა და ადრეულ ასაკში ლოთობისგან გარდაცვლილი მამა, მისთვის ყველაზე დიდი ტკივილი იყო. მამის გარდაცვალების შემდეგ ჩარლი და თავის ძმა სიდი ობოლთა თავშესაფარში გადაიყვანეს.

ჩარლი ბევრ ადგილას მუშაობდა, მაგრამ ასაკის გულისთვის ყველგან დროებით აჩერებდნენ. 14 წლის ასაკში მან დაიწო მუშაობა თეატრში და მიიღო როლი სპექტაკლში “შერლოკ ჰოლმსი”. თავის გაუნათლებლობის გულისთვის ჩარლი ყოველთვის შებოჭილი იყო და ეშინოდა, რომ დაკარგავს სამსახურს. მაგრამ გადიოდა წლები ჩარლიც უამრავ რამეს სწავლობდა. მისი წარმატებული კარიერის საწყისი იყო 1908 წელი, როდესაც ის იღებს როლს ფრედ კარნოს სამსახიობი დასში, რომელთან ერთადაც მიემგზავრება ტურნეში, ამერიკის შეერთებულ შტატებში. აქ მას შეამჩნევენ და მიიწვევენ "Keystone Film" სტუდიაში, თავისი პირველი ფილმის გადასაღებად "Making a Living". ამის შემდეგ მას შემოთავაზებების სრული ბუმი აქვს.

1921 წელს აწყობს პირველ ევროტურს. ამ ტურის შემდეგ მან აიშენა ბინა ბევრლი ჰილსში.

1931 წელს აწყობს მეორე ტურს ევროპაში პრემიერით “City Lights”

1936 წელს სტუმრობს ევროპას ფილმით “Modern Times”

მისი პირველი ხმოვანი ფილმი არის “The Great Dictator” რომლის პრემიერაც იყო 1940 წლის 15 ოქტომბერს. ეს ფილმი ჩაპლინის უკანასკნელი ფილმია სადაც ის მონაწილეობას იღებს როგორც ღატაკი და მაწანწალა.

ასევე ჩარლი ჩაპლინი ჰქმნის თავის კინოსტუდიას, სადაც ის მსახიობის გარდა, ასევე სცენარისტი და რეჟისორია. წერს თავის მემუარებს, რის საფუძველზეც 1992 წელს შეიქმნა ბიოგრაფიული ფილმე “Chaplin”.

ჩარლი ჩაპლინმა მოახდინა დიდი გავლენა მსოფლიო კინემატოგრაფიაზე. 1954 წელს მან მიიღო მსოფლიო მსახიობის ჯილდო, ასევე 1972 წელს გადაეცა სპეციალურად მისთვის დამზადებული "ოსკარი". ამის შემდეგ ვენეციაში მას გადასცეს ოქროს ჯილდო.

გაგრძელება იქნება...

შემდეგი თავი: ჩარლი ჩაპლინი და მისი სასიყვარულო ცხოვრება.

გააგრძელე კითხვა...

ფელინი - რეჟისორი

Aug 16, 2010

ფელინი - რეჟისორი

ვაგრძელებთ თხრობას ფედერიკო ფელინის შესახებ. პოტის პირველ ნაწილს შეგიძლიათ გაეცნოთ ამ ბმულზე.

ფელინის პირველივე სურათები - ”ვარიტეს ჩირაღდნები” (1951) და ”თეთრი შეიხი” (1952), რომელიც ცნობილ მსახიობს - რუდოლფო ვალენტინოს ეძღვნება, საინტერესო და ორიგინალური იყო, თუმცა მაშინდელ კინოსამყაროზე გავლენა არ მოუხდენია. პირველი წარმატება ”გზამ” ფულთან ერთად მოიტანა. ნინო როტას შესავალი მუსიკა მილიონობით გრამფირფიტაზე ჩაიწერა. ჟელსომინას როლის შემსრულებელ ჯულიეტა მაზინას კი ჩარლი ჩაპლინსა და ჟაკ ტატის ადარებდნენ. ფილმი ოსკარზეც წარადგინეს.
”ჯულიეტა, პროდუსერი დინო დელაურენტისი და მე გავემგზვრეთ ჰოლივუდში, სადაც ”გზამ” ოსკარი აიღო და ჩვენ ცნობილები გავხდით”.. - იხსენებს ფელინი.

ფელინის არასოდეს უყვარდა საკუთარ ფილმებზე საუბარი.

- ღმერთმანი, სურვილი არ მაქვს, - მორცხვი ღიმილით გამოუტყდა ერთ კირკიტა ჟურნალისტს.

- აბა რისი სურვილი გაქვთ? - ჩაეკითხა რეპორტიორი

- თუ სიმართლე გინდათ.. თქვენ ხომ სიმართლე გინდათ გაიგოთ? ჰოდა, გეტყვით, ყველაზე ძალიან მინდა მაკარონი.. ჩემი ცოლის მოხარშული მაკარონი. მხოლოდ ჯულიეტამ იცის მისი ასე გემრიელად მომზადება. მიირღმევ მთელს თეფშს და ძილს მიეცემი.

”კაბირიას ღამეებმა” (1957) ”გზის” მიერ მოტანილი წარმატება განამტკიცა, ხოლო ”ტკბილმა ცხოვრებამ” მსოფლიოს წამყვან კინორეჟისორებში მიუჩინა ადგილი. ამ უკანასკნელს ფელინი თავის საუკეთესო ნამუშევრად მიიჩნევდა. სწორედ ”დოლჩე ვიტაში” გადაიღო პირველად მარჩელო მასტროიანი, რომელთანაც სამუდამო მეგობრობა აკავშირებდა.

1963 წელს ფელინიმ ”რვანახევარი” გადაიღო. მთავარი გმირის როლში რეჟისორი თავიდან ჩარლი ჩაპლინის, შემდეგ ლორენს ოლივიეს გადაღებას გეგმავდა, თუმცა, საბოლოოდ, არჩევანი მარჩელო მასტროიანიზე შეაჩერა და არც შემცდარა. მასტროიანიმ ზუსტად ”მოარტყა”. ფილმმა ორი ოსკარი და მოსკოვის ფესტივალის პირველი პრიზი დაიმსახურა.

მოსკოვის პრემიას სკანდალის გარეშე არ ჩაუვლია. საბჭოთა კავშირის კულტურის მინისტრმა - ფურცევამ, ფილმი ამორალურად მიიჩნია. ცეკას კულტურის ემისრები შეძრწუნდნენ ფილმის უჩვეულო ინდივიდუალიზმით და დიხანს ცდილობდნენ ჟიურიზე ზეწოლის მოხდენას, მაგრამ ჟიურიმ არ დათმო. პირველი პრემია ფელინის მიანიჭეს, ცოტა არ იყოს, იეზიტური ფორმულირებით: ”დიდი შემოქმედებითი, რეჟისორული ნამუშევრისთვის, სადაც ასახულია მხატვრის შინაგანი ბრძოლა სიმართლის ძიებისათვის”.

ამ გამარჯვებით აღფრთოვანებულმა მოსკოველმა კინომოყვარულებმა ფელინი ხელში აიტაცეს, ხოლო ზეიმის მონაწილე იური გაგარინმა მოასწრო და ყურში ჩასჩურჩულა: ”თქვენი ფილმი ჩემთვის კოსმოსზე უფრო იდუმალია”.

”რვანახევარი” შესყიდული იყო და საბჭოთა ეკრანებზე ის აუცილებლად უნდა გაეშვათ, თუმცა რიგითმა მაყურებელმა ვერა და ვერ იხილა. მას მხოლოდ დახურულ დარბაზებში აჩვენებდნენ. ასეთი იყო საბჭოთა სინამდვილე.

გააგრძელე კითხვა...

Harry Potter and the Deathly Hallows

Aug 14, 2010

Harry Potter and the Deathly Hallows

ჟანრი: ფანტასტიკა, დრამა, სათავგადასავლო, დეტექტივი

რეჟისორი: დევიდ იეტსი

სცენარისტი: სტივენ კლოვზი

პროდუსერი: დევიდ ბარონი, დევიდ ჰეიმანი

როლებში: დენიელ რედკლიფი, ემა უოტსონი, რუპერტ გრინტი, მაიკლ გემბონი, ალან რიკმანი, რობი კოლტრეინი, დევიდ ტიულისი, ჯიმ ბროუნდბენტი და ა.შ.

მსოფლიო გამოშვება: 2010, 17 ნოემბერი

ფილმის ბიუჯეტი: £150 000 000

მიმოხილვა:

ჰარი პოტერს წინ ელოდება სასტიკი ბრძოლა, თვით ვოლან-დე-მორტთან. მას მხოლოდ საკუთარი თავის იმედი აქვს. ჰარის უახლოეს ადამიანებს ელოდებათ სიკვიდილი. მას აღარავინ ყავს გვერდით. განრისხებული ჰარი მიიღებს სასტიკ გადაწყვეტილებას და სიკვდილს პირისპირ შეხვდება.

ფილმზე:

ფილმი გამოვა 2 ნაწილად, რადგან, როგორც აცხადებენ კრიტიკოსები ჰარი პოტერის შემქნებელბმა გადაწყვიტეს მიიღონ ორმაგი შემოსავალი და გაუხანრძლივონ მოლოდინი ფანებს. პირველი პრემიერა დაგეგმილია 2010 წლის 17 ნოემბერს, მეორე კი 2011 წლის 15 ივნისს. ეს იქნება პირველი პრემიერა 3D ფორმატში.
"ჰარი პოტერი და ფილოსოფიური ქვა"- გამოვიდა 2002 წელს, პირატული ვერსიები 2001 წელსაც იყო გაყიდვაში. წარმოიდგინეთ, ვინც მაშინ იყო მესამე კლასში, ეხლა უნივერსიტეტში აბარებს.

ამიტომ მოეზადეთ გრანდიოზული პრემიერისთვის და ერთი თაობის საგის დასასრულისთვის, თან როგორც აცხადებენ შემქნელები, დასასრული არ დაავიწყდება არავის.

ტრეილერი:

გააგრძელე კითხვა...

The Expendables

Aug 11, 2010

The Expendables

ჟანრი: ბოევიკი, სათავგადასავლო, ტრილერი

რეჟისორი და სცენარისტი: სილვესტრ სტალონე

როლებში: სილვესტრ სტალონე, მიკი რურკი, ჯეტ ლი, არნოლდ შვარცენეგერი, ჯეისონ სტეტხემი, დოლფ ლუნდგრენი, სტივ ოსტინი, გერი დენიელსი და ა.შ.

გამოშვება: 13 აგვისტო, 2010

ფილმის ბიუჯეტი: $ 80 000 000

ფილმის საიტი

ტრეილერი:

მიმოხილვა:

სხვა და სხვა ქვეყნიდან შეკრებილი საუკეთესო მებრძოლთა გუნდი იწყებს საიდუმლო ოპერაციას. ისინი დაიქირავა ამერიკის შეერთებული შტატების სახელმწიფომ. მათი მისიაა გააქრონ სამხრეთ ამერიკის დიქტატორი. ყველა დარწმუნებული იყო, რომ მთავრობა მათ დაუჭერდა მხარს, მაგრამ მალევე დამქირავებელი უარს იტყვის და მათ მხოლოდ საკუთარი თავის იმედი რჩებათ.

მსახიობებზე:

ფილმის რეჟისორმა და მთავარი როლის შემსრულებელმა სილვესტრ სტალონემ გადაღებებზე მიიღო კისრის ხერხემლის სერიოზული ტრავმა. როგორც განაცხადა 63 წლის

მსახიობმა, ეს ინციდენტი მოხდა როდესაც მისი გმირი იჭერდა თავის მეტოქეს და გადატრიალების დროს მან იგრძნო მწვავე ტკივილი კისრის არეში. ექიმებმა განაცხადეს რომ მას გაებზარა კისრის ხერხემალი და ისინი იძულებულნი იყვნენ ჩაემაგრებინათ მეტალის პლასტინა კისერში, ხერხემლის დასაფიქსირებლად. ამის დასამტკიცებლად მან გაავრცელა თავის რენტგენის სურათები.

ასევე დიდი აჟიოტაჟი გამოიწვია გუბერნატორ არნოლდ შვარცენეგერის დაბრუნებამ. მან განაცხადა, რომ ის იღებს მონაწილეობას, რადგან მასთან ერთად ფილმში იქნებიან ვეტერანი მსახიობები და ეს ფილმი დიდ პატივისცემას დაიმსახურებს ამით. და თავის ამჟამინდელი სტატუსის მიუხედავათ ის მაინც მსახიობია.

კადრები ფილმიდან:

გააგრძელე კითხვა...

Salt

Aug 4, 2010

Salt

ჟანრი: ბოევიკი, ტრილერი

რეჟისორი: ფილიპ ნოისი

როლებში: ანჯელინა ჯოლი, ლივ შრაიბერი, იარა შახიდი და ა.შ.

მსოფლიო პრემიერა: 21 ივნისი, 2010

ტრეილერი

მიმოხილვა:

ეველინ სოლტი "ცრუ"ს აგენტია. ერთ ჩვეულებრივ სამუშაო დღეს როდესაც ის აპირებდა სახლში დაბრუნებას და თავის ქორწინების წლის თავის აღნიშვნას, მას გამოუჩნდა ახალი დავალება. სოლტს უნდა დაეკითხა რუსეთიდან ჩამოსული ადამიანი(ოლეგ ვასილიევიჩ ორლოვი), რომელსაც ჰქონდა საიდუმლო ინფორმაცია. მან განაცხადა რომ ეველინ სოლტი რუსი შპიონი - ჩენკოვაა, რომელიც ბავშობიდან იზრდებოდა სპეციალურ სკოლაში, სადაც მას ამზადებდნენ საიდუმლო დავალებისთვის, რომ ერთ დღეს მოეკლა ამერიკის პრეზიდენტი. მაგრამ ამჟამად მას განზრახული აქვს მოკლას რუსეთის პრეზიდენტი, რომელიც უახლოს დროში აპირებს ჩასვლას ამერიკის შეერთებულ შტატებში. ამის გაგონების თანავე სოლტი მირბის, იმალება თავისივე თანამშრომლებისგან, რადგან მათი დავალებაა დაიჭირონ იგი.

ინციდენტები, ფაქტები და დისკუსიები ფილმზე:

ფილმის გადაღების დროს ანჯელინა ჯოლი რამოდენიმეჯერ დაშავდა. ერთ-ერთი გაქცევის გადაღებისას მან დაარტყა თავი ისე, რომ წამოუვიდა სისხლი, ის ეგრევე გადაიყვვანეს საავადმყოფოში. ექიმების განცხადებით არანაირი სერიოზული ტრავმა არ ყოფილა და ჯოლიმ რამოდენიმე დღეში განაგრძო გადაღებები.

ამ ფილმმა გამოიწვია დიდი დისკუსიები რუსულ საზოგადოებაში, რადგან რუსებს შეურაწყობათ მიაჩნიათ ასეთი წარმოდგენა

თავიანთი ერის. ფილმის წლების მიხედვით, გამოდის, რომ სოლტი იზრდებოდა ეგრედ წოდებულ "Советский Союз"-ში და მაგ დროს ლაგერებში,

პიონერები იზრდებოდნენ მკაცრად და ბავშობიდანვე მათ უნერგავდნენ სიყვარულს თავის ქვეყნის მიმართ, და ამიტომ მათ

წარმოუდგენლად მიაჩნიათ, რომ შეიძლება ვინმე იმ დროიდანვე ყოფილიყო მტრულად განწყობილი საკუთარი ერის მიმართ. ფილმის კადრები როდესაც ნამდვილი რუსი შპიონები სვავენ არაყს და თავის ლიდერს (ორლოვს) თაყვანს სცემენ, ისე რომ ყოველი ლაპარაკის შემდეგ კოცნიან მის ბეჭედს, სადაც წერია - "За победу в Великой Отечественной войне 1941-1945", მიაჩნიად სისულელედ. და ამიტომ ამ ფილმმა რუსი საზოგადოების დიდ ნაწილში უარყოფითი ემოციები გამოიწვია.

ანჯელინა ჯოლი ჩამოვიდა მოსკოვში, თავისივე ფილმის პრემიერაზე, მას შეხვდნენ დიდი

აჟიოტაჟით. მან დაარიგა რამოდენიმე ინტერვიუ და ასევე გაესაუბრა თავის თაყვანისმცემლებს. რუსები აცხადებენ, რომ მათ არ ახსოვთ ჯერ არცერთი ჰოლივუდის ვარსკვლავის ჩამოსვლა, ასეთი დაცვით. ჯოლისთან ახლოს მიკარებაზე არავინ ოცნებობდა, გადაადგილების დროს მისი დანახვაც შეუძლებელი იყო. იმ სასტუმროში სადაც გაჩერდა ჯოლი, გაანთავისუფლეს თანამშრომელი, იმის გულისთვის, რომ მან გადაუღო მას სურათები თავის მობილური ტელეფონით.

გააგრძელე კითხვა...

ALPHA DOG

Aug 2, 2010

ALPHA DOG

ჟანრი: დეტექტივი, დრამა

რეჟისორი: ნიკ კასსავეტისი

როლებში: ჯასტინ ტიმბერლეიკი, ბრუს უილისი, შერონ სტოუნი, ამილი ხირში და ა.შ.

გამოშვება: 2007 წელი

მიმოხილვა:

ლოს ანჯელესის ელიტური რაიონის მოზარდებს უამრავი ფული აქვთ. მათ არ აკლიათ

სასმელი, მარიხუანა, გართობა, სექსი. მაგრამ ყველაფერს მობეზრებული ახალგაზრდები საშიშ თამაში გაყოფენ თავს. როგორც ყველა დაჯგუფებას, მათაც მეთაური ყავთ ჯონი ტრულავი, რომელიც ნარკომევაჭრეა. მასთან ვალში აღმოჩნდება ერთ-ერთი "მეგობარი" და ჭკუის სასწავლებლად ჯონი გაიტაცებს მის 15 წლის ძმა ზაკს.

თუმცა ეს გატაცებას არ ჰგავს, მთელი ამ დროის განმავლობაში ზაკი ერთობა ჯონის მეგობრებთან ერთად და არც უნდა მათგან გაქცევა, პირიქით უხარია, რომ მოხვდა ისეთ წრეში, რომელზეც ოცნებობდა. 3 დღე და ეს წამოწყებული თამაში გადაიზრდება ნამდვილ ტრაგედიაში.

დასაწყისიდანვე ჩანს რითი დამთავრდება ფილმი, რადგან იწყება ჯონის მამის ( ბრუს უილისის) დაკითხვით, მაგრამ კინოს ბოლო მომენტამდე იმედი რჩება, რომ მოხდება სასწაული და ყველაფერი უკეთესობისკენ შემოტრიალდება...

მსახიობების აზრები ფილმის შესახებ:

ბრუს უილისი ( ჯონის მამა):

ჩემი პერსონაჟი სონი, დარწმუნებულია თავის სიმართლეში.

სინამდვილეში მისი აღზრდის ბრალია, რომ ჯონი თავის ცხოვრებაში ასეთ შეცდომებს უშვებს, ალფა შთამომავლობის ლიდერი ზრდის თავის შვილს, თავის კანონებით, რომ ის უნდა იყოს პირველი ყველგან და ყველაფერში და ზუსტად ეს ღუპავს მას ბოლოს.

ჯასტინ ტიმბერლეიკი (ფრენკი ბალენბახერი, ჯონის მეგობარი):

ეს ფილმი არ არის მხოლოდ დაჯგუფებაზე, ნარკოტიკებზე და ცუდ ბიჭებზე, ეს არის თითქმის ყველა ამერიკელი მშობლის აღზრდის მეთოდზე. ეს ისტორია უნდა იყოს ყველა ახალგაზრდას მაგალითი, თუ რა შეიძლება , რომ მოხდეს როცა ვერ აანალიზებ რას გამოიწვევს შენი ქმედებები.

შერონ სტოუნი (ზაკის დედა):

როცა ნიკმა გამომიგზავნა სცენარი, მას მოაყოლა წერილი, რომ ჩემი როლი არის ძალიან პატარა, მაგრამ მნიშვნელოვანი, რომ ჩემი გმირი არის ამ უსამართლო სამყაროს მსხვერპლი და ამავე დროს დამნაშავეც.

ფილმის სიუჟეტი დაფუძნებულია ნამდვილ ამბავზე:

ამ ფილმის მთავარ გმირს ყავს ნამდვილი, რეალური პროტოტიპი - ჯესი ჯეიმს ჰოლივუდი. 20 წლის ასაკში ის მოხვდა "ფბრ"-ის ძებნილთა სიის პირველ ადგილზე. მის ქმედებებზე წერდნენ გაზეთები, ლაპარაკობდნენ ტელევიზიაში და განიხილავდნენ ყველაზე რეიტინგულ ამერიკულ შოუში "Americas Most Wanted".
ის იძებნებოდა 5 წელი, მაგრამ 2005 წლის 9 მარტს მას იჭერენ ბრაზილიაში, სადაც მუშაობდა ინგლისურის მასწავლებლად და ფუფუნებას შეჩვეული, ეხლა უკვე ცხოვრობდა 1200 დოლარზე თვეში, რომელსაც უგზავნიდნენ მშობლები.

როდესაც კასსავეტისი, სწერდა სცენარს, მას ჰქონდა ჯესი ჰოლივუდის საქმესთან პირდაპირი შეხება, სანტა ბარბარის პროკურორი, მას აჩვენებდა სურათებს, ადგილებს და უყვებოდა უამრავ ფაქტს ამ ბიჭთან დაკავშირებით. იურისტების რეკომენდაციით კასსავეტისმა მისცა თავის გმირებს სხვა სახელები.

გააგრძელე კითხვა...